***

Ныні была файна днина,
А повбіді пушов дощь,
Ісказилася година,
Блискат гримат Божа мощь.

Кажут грибу в хащи повно,
Час не маю ся пруйти,
Кугутовами шіковно,
Знаю де їх мож найти.

Травы косят ся в долинах,
По садах і по зворах,
В рудных серцю полонинах,
Цвітом рясно лугер ляг.

Туй нітко не рубат пана,
На городах зелинь-рай,
Чилядь змагат ся из рана,
Ка май скоро ка май-май.

У ниділю послє службы,
Взьму кошагку ходь яку,
Там де потят співы дружні,
Найду грибу біляку.

Хаща мішана кругом,
Оком глипну ся бігом,
Грибарю застану бізунь,
В кугутовах за селом.

Но а ныні так гий вул,
Из усьов свойов родинов,
Тружу-репаю на спул,
Докы Бог дає годину.

Комментировать публикации могут только зарегистрированные пользователи. Регистрация / Вход