Коли ня морок дись приступит

Коли ня морок дись приступит,
Ци ня застане у пути,
Я лиш вперед буду іти,
Всевышный Бог за ня заступит.

Я грішник єм і у гріхах,
Ня мати моя породила,
Колим пудрус пак ня водила,
По сих безмежных берегах.

Де понад Тисов ластовкы,
Пуд вичур над водов петляют,
Де на полянах коровкы,
Зелену пашу выпасают.

Лиш сим ся тішу я май бурш,
Исе є моє од зачатка,
В молитві пребываю фурт,
Бо знаю що вто Божа цятка.

У сирцю мойому огинь,
Й потемка я ся й не напужу,
Я єм слуга і твердо служу,
Дорога моя світлый динь.

Комментировать публикации могут только зарегистрированные пользователи. Регистрация / Вход