***

Мині бы крыла — политів бым,
У синю необьятну даль,
Но ни дано ми, я нистав тым…
В души ми жура і печаль.

Ни став им тым, кым мав им быти,
Розпутя поблудило ня,
Одно нигоден им забыти,
Русин карпацькый ми имня!

Карпацькый русин сын Ивана,
Бога му, йо-к-л-м-ны,
Идут на ня з самого рана,
Злої окрайины сыны.

Навхтема буду памнятати,
В зарубу стану аж бы як,
Но пораз тягне ня ревати,
Што Бог сятый назвав ня так.

Пак правдо десь ты — десь ся діла?!
Чому ми крыла ни дано?
Ачий ись ся на палю зділа?
Ачий скыпілась дись давно.

Мині бы крыла вбім политів,
Хоть кулько раз і знов і знов,
Над славным мойым Подкарпатьом,
Над свойов руднов дідизнов.

Но ни дано ми Боже правый,
Пак зашто хрест сякый мині?
Ґаздом туй є прийшляк лукавый,
Чий род походит уд свині.

Комментировать публикации могут только зарегистрированные пользователи. Регистрация / Вход