***

До рана в постели мы двоє,
Верету тягнеме на спул,
Каждый из нас штось думат своє,
Хуть на копони теши кул.

Я вже не знаю што чинити,
Куй тыся вд мині фурт смієш,
Ци може мися йти напити?
Ци може вупити си фреш.

Я ся нибого не роздеру,
Не сотворю гий Адам гріх,
Куй коцмы твої в рукы беру,
Чому пробиват тя на сміх.

Тать ты не пьяна й не курилась,
И не торгашка сь на путі,
Якого грома з ся забыла?
Што в тя за мысли в голові.

Бизуно штось ти пороблено,
Куй так тя пане Боже пре,
Од того м ныні й зажуреный,
Любов у сирцьови ми мре.

Комментировать публикации могут только зарегистрированные пользователи. Регистрация / Вход