Последний визит: 2019-06-16 11:19:25
Сейчас не в сети

Якый отиць такый і сын

Якый отиць такый і сын!
Та тулько вбы лиш того.
Сынок вутця перескакав,
Май гамішный вдным словом.
Писав заявы — рапорта,
Мелдовкы і доносы,
Бо в них заложено в роду,
Стучати перед носом.
Невинну чилядь у біду,
Отиць і сын зводили,
Завто видать їм там де треба,
Рублі якісь платили.
Ото вже так гій битюг— фрас,
В бездушных ся забило,
На їхню файту демонську,
Тавро ся приліпило.
Ты слова доброго про них,
Ни вчуєш ни од кого,
Зазвідуй хоть кого в селі,
Хоть пана хоть простого.
Из ґлийды їхньої в селі,
Ниє уже нікого,
Лишинь народ їх тямит ще,
Не дуже файным словом.
В одному ході шах і мат,
Усяке годно быти…
Тот дуже давньый «КОМПРОМАТ»,
Вун годен ся й одкрыти.

Опубликовано: 2019-05-06 17:43:21
Количество просмотров: 11
Комментировать публикации могут только зарегистрированные пользователи. Регистрация / Вход

Комментарии