Последний визит: 2019-06-16 11:19:25
Сейчас не в сети

***

Кажут пораз из нинацька,
Що в нас мова Закарпацька,
Щез быт втот на ґутту смык —
В нас не мова ай язык.
И не суржик сиротинськый,
В нас язык — язык русинській!
Й діалекта ся ни яже,
Туй нітко нич й не докаже.
Як ото так годно быти?
Обы своє мош забыти?!
Час видать такый уже,
Всьо берут пуд нус чуже.
Вто що бабка примовляла,
Вто що мамка навучала,
Тым ганьблятся на повал —
Куй перитнут перевал.
Пак повчают старшину,
Вчити мову ім. чужу.
Як ото так быти годно?
Кажут вто типирь є модно…
Я ім. кажу вы ся вчіт —
Айбо й своє сокотіт.
Тямте и не забывайте,
Бисіду преумножайте,
Й ни кажіт дурне з нинацька,
Що в нас мова Закарпацька.
Край Наш зве ся Подкарпатя,
Долы — полонины,
Туй жиє Народ наш славный,
Карпацькі русины.

Опубликовано: 2019-05-07 15:27:50
Количество просмотров: 16
Комментировать публикации могут только зарегистрированные пользователи. Регистрация / Вход

Комментарии